Mi 100 chuang chuan an phone phawrh chhuak in Taipei luxury hotel chhawng 10 naa mi 2 inkhawih lai vêl chu video in an la tih an sawi.
Hotel chhunga mi 2 nuam tâwl mêkte chu ahnuai kawtthler a sakhuana kût a tel mêkte’n video in an la a, December 6, Pathianni zân khân mi 2 te hi Taipei a hotel chhawng 10 naah mipat-hmeichhiatna an hmang lai an hmu a ni.
Vanduaithlâk takin, an thiltih mêk lai chuan, Qingshan Palace kum 165 tlinna lawmtu mipuite chu an hnuaia kawtthlerah chuan an pungkawm a ni.
Video ah chuan mipui tamtakin an thil hmuh chu video in an la tih hmuh theih a ni a, Camera chuan mi 2 lamhawiin an hlimthla aṭang chuan position danglam takin an awm tih a hmuh theih bawk.
Chulai a awm ve mi 1 chuan a thil hmuh chu mak a ti hle a, mi 2 te chu ramsa ke pali nei ang mai an ni tiin a sawi.
“An ti deuh mah mah a ni” tiin an sawi a, “Pathian zahlohna dik tak a ni, chu hmun chu hurna hmunah an chhuah” tiin an sawi bawk.
Police-te’n Meng Jia kawtthler, luxury hotel chhunga an hmuh lai renga mipat-hmeichhiatna hmangtute chu mipuiten police-te hnenah an hêk nasa hle tih an tarlang.
Officers te chuan an thiltih chu ‘mipa leh hmeichhia tan thil pawi thei a ni’ tiin an sawi a, mi 2 te chanchin chu chhuichian mêk anih thu an sawi a. Video latute chu video an tihdarh chuan, zahmawh thehdarhna kawngah thiamloh an chang thei tiin an vau lâwk bawk a ni.
Mipuite chu Tshing Shan Festival ah pungkhawmin, Qingshan Palace’s ‘temple deity’ Qingshanwang piancham an lâwm a ni.
An kût lawm chu an district chhûngah chuan ramhuai sual hnawhbo nân zanlamah an hmang chhunzawm ṭhin tih tualchhung chanchinbu Taipei Times chuan an tarlang.
Association deputy secretary-general Lee Hou-Ching chuan an kût chu natna ṭha lo leh thlarau sualte hnawhbo nân anih thu leh, abik takin coronavirus hripui len lai hian a ṭangkai zual tiin a sawi a ni.
